阿女計劃造人 余安安齋玩唔湊

20200113
東網電視
更多新聞短片
余安安話自己收工唔再湊!
藝人余安安出席主演的電視首映禮及分享會,講到戲中飾演奶奶一角,一直在大肚的新抱旁給予支持,令她憶起當年做孕婦時期的事:「會好緊張,係咁發惡夢,為人父母最緊張BB係咪健康,係仔係女都係其次,就會日思夜想,發惡夢夢見BB冇咗隻腳,起身嗰刻係標晒冷汗!又諗番起大肚好唔方便,瞓覺又要捧住個肚打側瞓,總之會諗啲平時唔會諗嘅嘢。」
安安表示女兒是時候為人母,現有懷孕計劃:「唔好太遲,畀晒啲心理準備佢,例如生咗之後個人生會有咩改變。(恨抱孫?)冇所謂嘅,冇話恨唔恨,係佢哋嘅人生,佢哋鍾意就得,咁有BB玩實開心!」可會幫手湊?安安即笑話:「我已經全心全意、親力親為咁湊大兩個女,我覺得已經夠,收工啦!我只會係玩啫,已經話咗佢哋聽,唔好話阿婆湊,千祈唔好制,哈哈!」