嫩妻出軌斷正　魏駿傑頹Look見人大方任影

藝人魏駿傑的嫩妻張利華再被爆出背夫偷食，有指五年前兩人關係已經出問題，夫妻早已分房瞓，傳出婚變後，魏駿傑昨日將自己困喺屋企，沒有露面。今晨魏駿傑首度現身，與朋友外出後返到家中，被問到婚姻狀況一事，他一言不發步入屋內。

到朝早11點左右，魏駿傑雖然知道門外有傳媒守候，但他沒有刻意迴避，身穿短tee短褲家居便服，獨個走出露台傾電話，見佢神情嚴肅，仲傾到手指指，未幾才走回屋內。另外，魏駿傑的社交網帳號個人簡介亦已改成「離婚」。

而張利華接受東網電話訪問時，被問到離婚一事及有否與魏駿傑聯絡，她不耐煩地說：「我要講嘅尋日已經講晒，我哋會處理得好好，唔使再打嚟問喇！」