傳陳寶珠患呼吸系統疾病　阿嗲爆新髮型玄機

現年73歲的「影迷公主」陳寶珠去年與師姐梅雪詩（阿嗲）演出《再世紅梅記》後，就甚少公開露面。本來她今年一月和五月再度與阿嗲合演粵劇《紫釵記》，但去年因身體抱恙宣布取消演出，有消息指寶珠姐患上呼吸系統的疾病。

早前寶珠姐兒子楊天經和媳婦為媽咪搞了個生日會，除了邀請親友出席，現場還有大批影迷到賀，當日寶珠姐一頭短白髮，身形明顯消瘦，但精神不錯。有密友透露寶珠姐經過大半年的治療，身體已經好轉，現時她最大心願就是等抱孫。

阿嗲就寶珠姐被傳患上呼吸系統疾病回覆東網：「寶珠係冇呼吸系統問題，佢只不過係做得太多運動，令到佢腰、腿同膝頭都有痛症，醫生先要佢長時間休息，唔能夠再郁動太多。」對寶珠一頭白短髮，阿嗲笑說：「佢因為貪靚，覺得依家興、新潮，自然色好睇，所以冇染髮，佢絕對冇事，大家放心。」楊天經回應：「媽媽一切安好，多謝關心。」講到有指母親恨飲新抱茶，天經則笑言：「生小朋友就一切隨緣，媽咪都冇話恨。」