吳業坤不捨田蕊妮離巢　何廣沛：係公司損失

藝員何廣沛、吳業坤、吳岱融、龔慈恩等在將軍澳電視城為劇集《大醬園》宣傳。何廣沛與吳業坤劇中兄弟情深，兩人訪問時也手疊手hehe味濃，十分搞笑。

演技發揮得淋漓盡致

講到視后田蕊妮離巢，兩人在《超時空男臣》曾跟她合作，吳業坤說：「唔知，有啲突然，佢係我好欣賞嘅視后，教咗我好多演技同埋做人，仲係第一個同我慶祝生日嘅前輩，有啲唔捨得佢，江湖見啦！」何廣沛則說：「佢喺《超》演技簡直發揮得淋漓盡致，佢離開係公司嘅損失。」

做賀歲劇唔擔心收視

講到劇集在新年播出可會擔心收視？吳業坤笑說：「唔擔心，有收視保證何廣沛嘛。」何廣沛則說：「唔驚，演員陣容咁強，個個都係收視保證。我亦唔係第一次賀歲劇，覺得新年啲人反而鍾意睇劇，收視唔重要，最緊要觀眾睇得開心。」

同朱晨麗有感情線

何廣沛與吳業坤在劇中與朱晨麗有感情線，戲外與朱晨麗傳緋聞的何廣沛對吳業坤笑說：「你想分呀？」吳業坤則笑謂不敢。何廣沛又讚朱晨麗靚女，戲裏戲外也有少少鍾意她。