Zpecial願2020繼續追夢

樂隊Zpecial早前出席文化節活動，作音樂文化交流，主音康聰稱2019年他們只有一首歌，今年會繼續努力創作，他說：「《CityBoy》首歌反應算係理想，普遍樂迷都鍾意，成績尚算不俗。2020年，希望好快會有第二首Zpecial x 賴映彤的音樂實驗作品畀大家聽得到。」

低音結他手Tatming聞言補充：「喺第二首實驗作品面世之前，大家不妨留意吓我哋會同網絡達人YouTuber熊仔頭合作，將我哋已經出版咗嘅歌置入影片裏面，畀更多人聽到及睇到我哋的作品。」他們早前替微電影《渴球》編曲及主唱的歌《渴求》，近日獲置入《一拳超人》嘅短片，希望藉此宣揚他們的追夢精神。