譚坤倫擊中心口　張兆輝唔嬲豬教番後輩

劇集《黃金有罪》現正熱播，當中張兆輝有唔少被虐打嘅戲份，令觀眾睇得非常肉緊。昨晚播出嘅一集中，張兆輝再被人拎錘仔毒打，負責「操刀」嘅無綫藝人譚坤倫（Alan），就大爆拍攝時發生小插曲，一度唔小心擊中對方心口，幸得張兆輝諒解並親自指導動作，令佢大感佩服：「當時有位演員會喺我打緊嘅時候行入嚟，但係佢遲咗好多先入嚟，所以導演未叫cut機，我都一路繼續打，結果我有一下唔小心打中咗輝哥嘅心口。當時我真係好驚，亦都非常抱歉，佢不但冇怪責我，反而仲好有心機教我應該點樣打，我覺得呢種專業精神太值得我哋去學習。」