劉愷威變身霸道總裁 粉絲流晒口水

2020年01月15日 11:18
東網電視
更多新聞短片
好靚仔呀!
自劉愷威於2018年12月與前妻楊冪結束5年婚姻後,兩人感情生活各自各精彩,不過女方就豐富過男方好多,楊冪傳出撻着內地小鮮肉魏大勛,更傳出在酒店密會8粒鐘,譜出姊弟戀,但有指大勛衰高調,楊冪極速斬情絲,搞到呢段感情未認戀先分手,而劉愷威就只係同湯洛雯傳出緋聞,但好快就作出否認,連佢老竇劉丹都話假嘅!
仍然係黃金單身漢嘅劉愷威,雖然係「帶女洪郎」,但樣子同身形都保持唔錯,仲要好有米,一定大把女埋身,今日佢嘅官方微博就上載咗幾張佢嘅新相,穿上一身名牌西裝嘅佢,加上一副Chok爆表情,即刻變身做霸道總裁,借張衞健句金句就係型到掉渣,睇到啲女粉絲流晒口水,留言話:「啊啊啊我來抱走威sir了」、「帥老公愛你想你念你👨‍❤️‍💋‍👨照顧好自己注意身體」好鬼肉麻呀!