嚇死媽咪!張名雅大仔酒店房意外撞爆鼻

20200115
東網電視
更多新聞短片
Mario受傷真係嚇到張名雅鼻哥窿都冇用!
前港姐張名雅婚後育有兩子,不時喺社交網分享親子日常,同網友交流「媽媽經」。佢今日就上載咗幾張大仔Mario嘅相同合照,見到相入面Mario個眉心至鼻樑山根位又腫又瘀,仲有血漬添,睇見都心痛!張名雅透露件事其實已經係幾個月前發生,但佢到依家先鼓起勇氣同大家分享事件嘅經過,事緣幾個月前佢帶咗Mario去玩,一去到酒店房阿仔就勁興奮,仲走上張大床不停跳,當時張名雅已經不停叫阿仔唔好跳,但小朋友唔知危險,反而愈跳愈興奮...結果伴隨一聲巨響,Mario就開始爆喊,張名雅話:「我一望埋去,佢個鼻腫到......見到咁,我眼淚都標埋出來,都唔知可以點幫佢。」
好彩意外中Mario冇傷及鼻骨,不過過咗幾個月後,鼻梁上都仲留有疤痕。此外,其中兩張合照見到張名雅抱住鼻上面貼咗膠布嘅Mario笑得好開心,佢解釋:「點解我喺張selfie度仲笑得咁開心?因為爸爸話Mario個鼻樑張膠布看落好似中國嗰啲殭屍?」可算係苦中作樂!最後佢再提醒大家危險嘅嘢寧願唔好玩,發生咗事就後悔莫及。