【年度龔水福利】呂慧儀張景淳放閃益網友

藝人呂慧儀同張景淳喺處境劇《愛．回家之開心速遞》飾演情侶大受歡迎，更有傳佢哋戲假情真，但二人雙雙否認。雖然日前《萬千星輝頒獎典禮2019》，佢哋失落「最受歡迎電視拍檔」獎，令唔少粉絲為呢對「龔水CP」大感不值，不過呂慧儀就有驚喜畀大家喎！

今日佢就同大家分享當日頒獎禮嘅後台相，留言：「難得可以裝漂亮。在這快樂的一天。萬千星輝頒獎典禮2019」見到頭幾張都只係佢嘅單人靚相，不過福利係留畀有耐性嘅粉絲，睇到第7張相，就見到張景淳出現喇！見佢兩個Sweet爆互動，閃到不得了，獲網友大讚合襯，更有粉絲留言：「年度龔水福利??果然係我哋心目中嘅最佳拍檔！」