緊張過開騷！鄭俊弘向何雁詩求婚又震又硬

歌手鄭俊弘（Fred）和何雁詩日前接受TVB娛樂新聞台節目《StarTalk》主播許文軒（Edmond）專訪，大談元旦宣布訂婚的感受。Fred表示希望有一個好回憶留給對方和自己，所以決定旅行時求婚：「求婚仲緊張過自己第一次開演唱會，我成個人震晒同硬晒！而最初亦好擔心過關時如果Check行李，畀佢見到隻戒指就穿煲，好彩順利過關。」

婚禮一切從簡

專訪中，何雁詩大爆為Fred學煮中餐：「以前我煮西餐多，因為知Fred鍾意食中餐，所以特登研究，另外我哋兩個都好鍾意食越南河粉，我哋去美國可以餐餐食越南河粉，所以返到香港去硏究點整個湯底，希望可以食番嗰啲味道，我哋誇張到一早七點去街市買牛骨同牛腩。」二人決定年底於美加地區酒莊舉行婚禮，他們表示一切從簡，圍數不會太多：「想同家人朋友分享，我哋好怕婚禮要表演同唱歌，想好好享受我哋嘅大日子，而唔係要搞到好攰，唔想去應酬呢個嗰個。」