入行12年!麥家瑜宣布離巢出外闖

2020年01月15日 17:43
東網電視
更多新聞短片
加油呀!
環球歌手麥家瑜(Keeva)在社交網宣布離開合作了近12年的唱片公司,逐一多謝曾共肩作戰的好高層及同事,她說:「環球係我入行嘅第一間公司,咁多年嚟一直睇住我大,感激老闆Duncan(黃劍濤),無論我做咩佢都好支持我,仲有同我多位經理人咁用心栽培我,又畀咗好多機會我,難忘同你地(哋)一齊奮鬥過,努力過,緊張過,笑過同喊過嘅日子。」又指在公司有身處大家庭,給她機會成長及學習,期間感到「家人」給她的關心及愛惜,相信離開公司多年,仍不會忘記這段美好日子。至於未來日子,她會繼續裝備自己,在不同崗位上繼續努力。
賣關子不透露新公司
Keeva接受訪問時表示:「我2008年入行,時間真係過得好快,對於入行以來所有嘅嘢,其實我都好滿意嘅,每次一出歌嘅反應都好好、質素又好,公司亦都畀好多自由我去多方面嘗試,如做舞台劇或拍電影咁。」至於是否轉新唱片公司?她暫賣關子,只透露:「都係時候出去學吓、睇吓其他嘢,新方向落實咗,我再同大家share啦。」