馬浚偉投資千萬　五年拍十部電影

藝人馬浚偉與四間電影製作公司組戰略夥伴合作聯盟，簽署儀式上同時宣布未來五年會拍十部電影，包括六部社福電影和四部商業電影，4月開拍的社福電影是有關聾人故事，他兼任編及導外，亦會自演聾人，三個崗位自己完全不收錢。他說：「今次有過千萬投資，係新模式，其實一路籌備自己嘅製作公司，遲啲有埋自己拍攝嘅攝影機，會慳啲錢，將成本價降到咁細，之後一齊分享成果，我之前部電影我都冇收錢，之後做騷搵錢再放落去，投資細唔代表拍唔到，總之keep住多啲人有工開，冇工開就係寒冬。（你使唔使賣樓嚟投資？）唔需要住，用住積蓄去拍，有需要先賣。」他透露聾人的故事主要起用素人：「如果用明星會失真，不過商業電影已經碌咗鍾嘉欣、陳法拉同楊怡，叫咗佢哋唔好收咁貴，將來分紅，佢哋好多好願意。」