拍拖5年！盧頌恩隨時結婚：一定唔大搞

藝人盧頌恩（妹頭）與李尚正主持香港開電視節目《開運秘笈》，以新春鼠年開運為題，走訪大小商舖教觀眾辦年貨，亦教大家開年拜神！向來感情低調的妹頭表示跟圈外男友拍拖5年，感情穩定，笑言不排除有「閃婚」可能：「過去一年屋企人都有催婚，叫我唔好淨係掛住工作，其實自己跟男友對結婚都有共識，一定唔會大搞，雖然未有計劃，但唔排除閃婚。」妹頭又表明想35歲前生小朋友。

回望豬年，妹頭坦言是她事業發展很好的一年，與李尚正主持的節目《臥底旅行團2.0》，不僅成為香港開電視收視之冠，更令二人人氣大增，今年將開拍《臥底旅行團3.0》，妹頭表示希望新一輯節目能衝出亞洲勇闖歐洲，她說：「《臥底旅行團》由以前嘅一蚊團，到上輯去緬甸，如果新一輯可以去成萬蚊嘅歐洲，咁我就光宗耀祖，亦證明節目多人睇，製作投資愈來愈大，好有成功感。」