播足7日拍到失聲 鄭世豪嘆同陳煒無緣

2020年01月16日 06:50
東網電視
更多新聞短片
《愛.回家》播咗七日,一班演員工作時間長咗!
「細龍生」鄭世豪講到新年將至,他笑言可以選購定賀年禮盒過節︰「三個節日輪住過,周年紀念日、聖誕、新年。(荷包負唔負荷到?)結婚後就唔多負荷到,咁慶祝周年紀念日好簡單,都係一齊食餐飯,冇話送禮,因為一年365日都會做!」
講到有份演出的處境劇《愛.回家之開心速遞》一星期播足7日,他指拍攝時間更難預計︰「返屋企嘅時間再少咗,試過連續兩個星期開工,搞到突然失聲。(大壓力?)咁又唔知,但有影響到拍攝。(陳煒客串有對手戲?)冇呀!劇組真係好保密,我都係佢拍完先知,上次歐陽震華客串都冇我嘅場口,次次都同特別場嘉賓無緣。」