次次都撞啱要出埠　蘇可欣考車多波折

前港姐蘇可欣（Eunice）呢日喺網上透露考車成功，仲話其實呢個考車經歷一啲都唔簡單，皆因佢兩次排咗期考試都撞正出埠工作，令佢一度想放棄考牌：「我嘅考車生涯終於都有完嘅一日，之前每次排期考試都會撞正出trip，結果撞咗2次之後，我連考牌都放棄咗，係有個人鼓勵我， 話鍾意車就再考。」見Eunice終於成功考到，拎住個P牌好開心影相留念，好友陳婉衡、鄺潔楹等亦紛紛恭喜佢呀！