身形回春10年!楊英偉搵鄭麗莎幫手激減15磅

20200116
東網電視
更多新聞短片
楊英偉因為老婆一句話就去減肥。
藝人楊英偉今年三月有份演出舞台劇,喺劇中飾演王子嘅佢,點知因老婆一句說話,令佢的起心肝搵「蜘蛛女」鄭麗莎(Lisa)減肥:「有一日老婆同我講王子有肚腩唔係咁好,所以搵蜘蛛女幫手減肥。」
成功減咗15磅嘅楊英偉,話拎番十年前唔啱着嘅褲出嚟,竟然全部啱着:「有日屋企大掃除搵咗十年前嘅褲出嚟,竟然全部啱着,但依家買啲褲就有啲鬆,要用皮帶先搞得掂,依家着番十年前嘅褲好似着古着咁,原來健身係可以令人慳錢。」Lisa話都好開心見到楊英偉減肥成功:「之前佢都忍唔到口,但依家愈嚟愈乖,食得清淡啲。」