30年如一日！唐寧神還原童年模樣

早前有指教育電視（ETV）有機會在今年6月停播，令不少曾參演嘅藝人都紛紛懷緬，當中連詩雅更在社交網重溫當年的片段，獲網民大讚「由細靚到大」。而呢日童星出身、同樣參與過ETV演出嘅女星唐寧，呢日就「神還原」童年模樣，佢晒出一張童星時嘅劇照，然後再按相中嘅角度及表情，照辦煮碗自拍一張，當中見佢除咗髮型之外，外表幾乎係冇變過，即使已經38歲都仲可以Keep住當年嘅童顏樣，真係30年如一日！