靠拐杖行路明顯消瘦　70歲劉松仁疑中風

現年70歲的藝人劉松仁為舞台劇《利瑪竇》仆心仆命，不惜停工籌備兩年多，又兼任策劃、導演及創作，忙得不可開交，幸好舞台劇叫好叫座，於上周日（12日）圓滿結束，未知是否籌備及演出期間過於操勞，劉松仁身體大不如前，更傳出疑似中風。

據知劉松仁現在行路時需要撐拐杖，右手右腳明顯乏力，身形亦明顯消瘦，食指、手指尾不能正常彎曲，徵狀與中風相似，劉松仁亦對身邊朋友透露，身體出了問題，但現正康復中。他回覆東網時也表示：「謝謝關心。沒那麼嚴重，康復中，放心。」

而舞台劇《利瑪竇》男主角王梓軒今透過經理人石祐珊回覆，她指劉松仁只是曾經跌親：「佢冇乜事，應該係之前跌親，咁可能感覺上，行路唔係咁舒服，但佢OK呀，我哋排練同演出嘅時候，佢都有嚟，只係行路緩慢啲，希望佢快啲好番，始終年紀大，要啲時間去康復，但無乜嘢嘅，多謝關心！」