小S怨老公唔畀佢飲酒：我想要一個溫馨的家

台灣藝人徐熙娣（小S）不時喺社交網同粉絲分享心底話，更試過飲酒後開直播喺鏡頭前爆喊，呢日佢就分享兩張大頭自拍，發文大談人生：「41歲，沒甚麼大不了！我依舊做着我該做的事！主持、管孩子、維持公婆對我超級的愛、看着老公細想他對我的好，發現不用細想，他對我真的很好，除了對裝潢不一致之外！其他全都讓着我，愛着我！」雖然老公咁錫佢，但小S自爆成日會怨對方：「我最常抱怨的是：幹嘛不讓我喝酒！你到底知不知道我想要一個溫馨的家？全木頭或更生活感！」不過佢之後又自言應該知足，又反問自己：「這樣的我，有甚麼不幸福嗎？」唔少網友都問佢係咪又飲咗酒，仲有人關心佢係咪唔開心，亦有網友話：「你會這樣說代表你還不滿足?」相信小S都係有感而發啫！