黎諾懿狂請食飯攞貼士　師傅批命格生到女

藝人黎諾懿出席無綫節目《天天開運王》記者會，透露早前舉家到泰國慶祝聖誕，沒料太太先後病到，故決定農曆年留港度歲，好讓多點時間陪囝囝，他說：「今個月見得個仔幾日，又要搞蘿蔔糕。」談到推出賀年糕點作慈善，他表示銷情不錯，最後加碼至1600盒，奈何臨近春節假期影響內地來港運輸，要出動朋友幫手把包裝物品運抵香港。

而一直恨追女的他，被問到可有趁節目追問現場堪輿學家貼士？他笑說：「第一次咁近距離接觸佢哋，以前要畀錢批命，依家係每晚都請佢哋食飯，問晒啦！（即係一定中？）師傅好保守，話我命格係生到女，但冇講生到第幾個先係（會追到有為止？）唔好，兩個夠啦！希望今年自己生性啲。」