冇向霍汶希報告!陳家樂「坐監」冇得去旅行

20200116
東網電視
更多新聞短片
曳曳豬喇!
由關智斌(Kenny)、陳家樂及楊天宇(Angus)主持的英皇網上節目《三夫當關》,日前播出第六集,為題「旅遊」。甫開始家樂先自爆2019年除了工作之外,都好少去旅行,事關自己在年頭曾犯錯被經理人霍汶希(Mani)懲罰︰「年頭做啲嘢冇同佢講,所以佢懲罰我冇得去旅行!」更抵死模仿Mani生氣拍枱:「從來冇人夠膽唔同我講佢做過啲乜嘢㗎!」所以要「坐監」至2020年。
講到各人2019年曾去過的旅遊,Angus指只去過一次台灣,兩位大師兄即逼供「同邊個去?」、「男定女?」、「女朋友?」,Angus機智回應:「冇女朋友!」豈料家樂立即反問:「係呢個旅程冇女朋友,定你冇女朋友啊?」令Angus招架不及,相當搞笑!
繼而討論和朋友去旅行最麻煩的事,家樂又把茅頭直指Angus,大爆對方好貪靚:「最怕男仔都要化妝,佢同我哋出街都要化妝,上次去澳門都要化妝。」讓Kenny驚呼:「吓!去澳門都要化妝?」其後他講到自己最怕遇到「口講無所謂,但其實好有所謂的人」,家樂聽後直接對號入座,Kenny搞笑衝向家樂大喊:「就係你呢啲咁嘅人啊,講起我都嬲!」
談及去旅行做過最瘋狂的事,Kenny自認在玩方面很大膽,例如跳降落傘、笨豬跳、或者雪地探險;家樂就指最瘋狂只是去看人妖show,並分享旅行時最驚險的經歷︰「舊年去墨西哥拍攝電影,得閒嗰陣會同公司同事出去玩,揸車途中遇到軍隊,仲被軍隊用槍口指住,最後要向軍隊展示電影拍攝許可證先可以放行。」
去到遊戲環節《三夫大電視》,只能以手指形容,是困難版大電視,令三夫都玩得頭痛不已,雖然遊戲王家樂對自己相當有自信,但最後卻由「執雞王」Kenny取勝,家樂大叫:「明明係我估得最多,形容得最好,點解係我輸呢!」還要接受一字馬唱歌的大懲罰。