吳嘉熙單拖開騷 陳瀅神秘現身玩快閃

2020年01月16日 16:17
東網電視
更多新聞短片
好有愛~
女子組合Super Girls成員吳嘉熙(Cheronna)日前於中環舉行小型音樂會,除了一班Fans入場支持外,圈中好友周奕瑋、香港羽毛球代表隊成員黑妹葉姵延等都前來捧場,其中好友陳瀅更玩快閃,神秘現身支持好姊妹。
全部翻唱歌
Cheronna表示能於新一年再開小型音樂會非常開心,更直言「我真係好想唱歌」︰「可以自己揀歌List、自己同樂手夾歌,仲要迫所有人唱歌係一件好開心的事。」講到她只唱其他歌手的作品,她解釋:「平時我都係唱自己或者Super Girls嘅歌畀大家聽,大家未必知我鍾意咩歌或者唱咩歌,今次係一個好機會同大家分享。」又特別感謝一班好友前來支持。
沒有準備講稿
小型音樂會可令Cheronna拉近與Fans的距離︰「中場休息嘅時候,冇刻意準備講稿,自己鍾意講咩都得,同大家可以傾偈,我想要一個貼地嘅感覺,而唔係好華麗嘅舞台。」並直言演出後感到不捨:「好唔捨得唱緊歌嘅感覺,成個過程都好難忘,尤其係自己唱歌感覺,新一年想專注唱歌,想自己寫多啲歌,有多啲作品,迫自己進步。」