以為老竇拍緊劇！黃建東戴假髮似足生父

無綫藝人黃建東（東東）最近有兩套無綫劇集同時推出，分別是《丫鬟大聯盟》的刻薄管家以及《黃金有罪》做黃智賢公司的左右手，兩個演出都相當不俗：「《丫》片本身係一套好搞笑嘅喜劇，個個同事都好好玩，就算開廠開得夜都拍得好開心。我個管家角色令人又愛又恨，好似一開場我要辭退馮素波，乞人憎嘅態度令人咬牙切齒，自己都覺得自己好討厭。但係當我千方百計想同黃心穎成親，一臉傻戇又好搞笑。」東東話好開心終於可以拍到喜劇，認為自己的個性很適合走搞笑路線。

另外一套《黃金有罪》，東東飾演黃智賢（Ben）的下屬，原來他無綫拍第一套劇《食為奴》便是演對方的皇弟：「嗰時候好緊張又唔識睇啲位，好彩Ben哥好有耐性教咗我好多，今次飾演佢嘅下屬感覺親切，好開心可以再跟這位前輩合作學習。」當東東戴上80年代的假髮穿上西裝時，他覺得跟他爸爸一模一樣：「我睇到自己喺電視上嘅造型，直情以為係我爸爸做緊戲，完全好似返咗去嗰個年代咁。」