與李靖筠首孭賀歲片 陳家樂狂咳:唔係肺炎

2020年01月16日 23:09
東網電視
更多新聞短片
首次孭飛賀歲片,陳家樂承認壓力大,搞到咳唔停,連李靖筠都感染埋。
藝人陳家樂與李靖筠出席英皇電影《我的筍盤男友》首映,抱恙上陣的家樂透露已病了接近3星期,起初只是感冒,好快就退燒、收鼻水,僅餘咳嗽,於聖誕節當天自行買咳藥水醫治,未有到醫院求診,惟咳嗽愈來愈嚴重,身體亦出紅疹,他說:「要去醫院睇急症,不過都搵唔到原因,驗完血又冇食物敏感,唯一可能係壓力大同緊張,依家都仲有咳都敏感,食緊西藥,想轉中醫睇吓。」
初一至初四去戲院謝票
問是否因孭飛賀歲片導致壓力大?家樂說:「有少少,我第一次喺咁重要檔期上愛情片,不過都平常心。(包場睇?)有包一場同親友、粉絲睇,睇反應啦!」說罷他忍不住又咳起來…
至於李靖筠指近日與家樂宣傳期間不時黐埋傾偈,結果也有少許咳嗽。家樂即澄清自己並非染上不明肺炎。李靖筠承認新片上映心情緊張:「都有少少心虛,作為新演員就孭飛咁重要檔期,但我都畀心機拍,又做咗好多宣傳,我哋都約埋導演初一至初四去戲院謝票,到時收到嘅利是會做捐去做慈善。」