遭逢「三劫」!李思林抑鬱靠李玟走出低谷

2020年01月16日 23:10
東網電視
更多新聞短片
李思林呢幾年經歷咗好多嘢,包括牙醫事故、情緒抑鬱、與老公分手!
李玟胞姐李思林(Nancy)2013年嫁給德籍老公,為家庭她願意放棄李玟經理人工作,移居德國長住,不幸地三年前遭逢牙醫事故、情緒抑鬱、去年與老公分手,接二連三打擊,令她跌落谷底。
辦緊離婚手續
眼前開心又健康的Nancy,估不到三年前曾經痛苦不堪,全靠瑜伽和聽佛經,扶她一把,重新做人。她說:「好不幸,好多唔如意事情,令婚姻出現問題,當中性格、大家處理事情同情緒方式唔一樣,可能係中國人同外國人表達唔同。(同先生分開咗?)分開咗差不多成年,手續辦咗9成。(邊個提出?)我會覺得係我,過去一、兩年Suffering太大,醫生話我有啲抑鬱。我諗,當一個人牙痛,外人只見到我乸埋口臉,但裏面嘅痛外人感受唔到,而且我真係牙痛添啦!希望鼠年,唔應該痛嘅地方,整番好晒。」
李玟日哦夜哦
她承認牙醫事故影響了情緒,也影響多方面的決定:「呢啲決定對自己未必係好。」但她跟自己說人生不如意事,不可預計,只能叫自己努力。還有李玟的「哦功」也是動力,她笑說:「我每一個屋企人都係我精神動力,佢哋想我從谷底爬起身,唔好放棄,每一日都鼓勵,佢哦我,但係想我好,只想我快樂,佢都算少,我媽媽強勁啲。」
做瑜伽聽佛經
Nancy說當突如奇來打擊,令她束手無措,當時偶然下接觸瑜伽及聽佛經,發覺佛教和瑜伽原來相輔相承。最近她完成200小時瑜伽老師牌,兼拍了一部網劇《快樂520》,一樣接一樣好事發生,她表示:「同劇演員個個中央演藝學院畢業,好強沙紙,我乜都唔係,冇拍過劇集,但發覺種種亂到不得了嘅事情發生後,令我好明白劇本。初初第一個月,成日同自己講唔得㗎啦,最後嗰個月鍾意咗拍劇!」
場地及瑜伽服裝:Pure Yoga