重生上市!崔碧珈不婚宣言 唔怕愛窮郎

2020年01月17日 00:01
東網電視
更多新聞短片
同Deep嘅一段情,令崔碧珈摧心折骨,但佢依然相信愛情!
「咪神」崔碧珈(Anita)去年底甩拖結束一年情,隔空斥吳浩康(Deep)是大話精,似乎不歡而散。回復單身的Anita接受東網專訪,坦言未有被過去不如意的愛情經歷嚇親,仍然相信愛情:「我覺得事業同愛情可以並存,愛情係支持我努力嘅動力。」但不會再優先揀圈中人:「以前鍾意圈中人,幕前幕後都得,覺得有多啲共識,但依家冇咩所謂,最緊要相處到。」
結婚只為生仔
Anita表示擇偶條件跟過去大致一樣,希望另一半孝順、對事業有野心及專一,亦不介意跟窮小子拍拖:「過去男友冇乜邊個有錢,你有野心去上進,我一定唔會睇小,但我怕啲人財政有問題,脾氣通常都差啲。(唔再揀花弗男?)唔忠誠當然唔得,但我唔會話佢外形似花弗就一定係,會親身認識、溝通咗先。」至於講大話是否死罪?她說:「要睇佢講咩大話,有時係累積。如果涉及自己底線,傷到大家嘅心就唔得。(新年會求姻緣?)唔會刻意求,但我唔會日日喺屋企,會不斷識朋友,幾時再拍拖就隨緣!(接受異地戀?)咁我又唔鍾意外地人,始終鍾意華人,可能係文化問題。」問會否給自己訂下結婚時限?她直言結婚只為生BB,即使終身不嫁也沒問題:「有時結婚都會離婚啦!」
歐洲三語開工
近兩年少了在港曝光的Anita,其實工作忙到爆,只是轉陣地到歐洲開工,為一套法國電影做監製及演員:「台前幕後嘅人分別係講英文、法文同意大利文,所以一件事要講三次,加上歐洲人做嘢唔似得香港人咁趕,進度比較慢,預計今年有得睇。」她又計劃今年到美國拍攝一些影視作品,但絕不會放棄香港及華語市場,希望簽新經理人公司安排工作。
髮型:Herman Lai @AdmiX Hairstyling
場地:cubus28