約會專登玩遲到 駱胤鳴嬲爆未婚夫

20200117
東網電視
更多新聞短片
其實遲到真心講聲唔好意思咪得囉。
歌手駱胤鳴早前宣布升呢準人妻,同男友即將喺今年12月27日成婚,呢日佢喺社交網投訴,話畀未婚夫約會專登玩遲到激嬲!
事緣係佢哋約咗十二點見面,駱胤鳴有心遲啲出門口,就係想未婚夫等吓佢,點知最終都係未婚夫遲過佢到地點,未婚夫仲要作咗個正常人唔明嘅理由,話駱胤鳴預咗佢遲到,佢唔遲到咪會令駱胤鳴好失望?次次都要等人已經嬲,聽埋呢個神奇理由之後真係嬲到爆炸,正當呢單嘢都唔知點收科嘅時候,喺搭車途中撞啱有位乘客不停咳兼唔戴口罩,未婚夫靜靜地攞咗個預先準備好嘅口罩出嚟,畀駱胤鳴戴以防萬一,就係呢個貼心動作,融化咗嬲嬲豬嘅駱胤鳴,一場冇煙火嘅冷戰就咁解決咗!