汪明荃蒸蘿蔔糕都襯靚Look　個個搶Like

農曆新年將至，向來注重傳統的汪明荃，已開始炮製賀年食品，親自率領家中三位家傭，一起下廚製作蘿蔔糕。形象百變的汪阿姐，就連下廚都有獨特造型，綠色polo tee配綠色珠片headband，想不到連入廚look都要咁bling bling！

她晒出製作過程照及留言：「一年一度蒸蘿蔔糕工程開始了。」有姿勢有實際，汪阿姐並非得個look，仲落手落腳又切又煮，不少藝人好友包括唐詩詠、區永權、鄧卓殷等全部留言讚好，而曾試過汪阿姐手勢的龔嘉欣更留言：「阿姐屋企嘅蘿蔔糕真係好好食，啖啖蘿蔔肉！」而網民則主要大讚汪阿姐的造型特別，更有網民留言：「你好似手上個蘿蔔！」、「阿姐，好大個廚房啊！」