新片北京奪獎　寶珮如望衝擊最佳女主角

藝人寶珮如（Baby）、袁潔儀及林健明下午到灣仔，出席食肆開張儀式，食肆乃Baby叔父輩投資，她感激兩位好姐妹撐場，她笑說：「兩年前呢位Uncle開咗間酒樓，當時搵我做剪綵嘉賓，結果我就復出拍電影，仲提名埋金像獎最佳女配角，所以今次佢再開私房菜，我叫佢再搵我，希望能夠有機會衝擊最佳女主角！」

Baby與廖啟智合演新片《世上只有爸爸好》內容講及器官捐贈，日前於北京奪獎，她表示：「依家度緊期再去上海參展，拍攝時我場場戲都要喊，結果搞到生眼瘡，1年割咗3次，睇番轉頭其實點辛苦都值得。」她又指倘若有機會的話，會投資開設甜品店：「我好鍾意食甜，人都開心啲。」

林健明笑指Baby乃其「米飯班主」：「佢成日有飯局都叫埋我，我真係唔會餓親。」日內她將飛往熱帶地方避年，享受陽光與海灘，有打趣不排除「唔着衫」的可能。至於袁潔儀則稱Baby為「搵食達人」，廣州生活的她返港的話一定跟對方「搵食」。