反擊前要平衡風險…單身洪嘉豪高唱振夫綱

歌手洪嘉豪到電台宣傳新歌《我說不可以》，這首歌是為男士發聲：「香港好多男仔太遷就女朋友，所以呢首歌叫大家可以反擊下。」並自嘲曾是「苦主」：「所以教大家要反擊，過份要求要Say No。（你試過咩過份要求？）例如要你去好遠地方買外賣，又唔畀同朋友出街，所以我要教大家『振夫綱』。（你振唔振到？）所以係經歷，如果成日遷就佢（另一半）只會得寸進尺，令佢無理取鬧，偶而要拒絕、反擊，可以得到應有嘅權利。」

他又謂見過朋友被女友鉗實，約親食宵夜都失蹤，影響到大家友誼。問這個「朋友」是否自己？他笑言：「我一直單身，24歲單身到依家，對上一次拍拖已係四年前，都希望下次可以搵到唔使改變自己，相處好舒服嘅人。」但強調男士反擊要平衡風險，否則會失敗，因為自己都試過失敗。而這首曲是去年在斯德哥爾摩與幾個音樂人一齊寫，還寫了另外兩首歌。