陳綺雯首演舞台劇　如願唔使做乖乖女

藝人陳綺雯（Aki）將第一次演出舞台劇，參演《戀上十二星座》劇目，戲中有齊12個星座不同性格的女角，Aki的角色是一名雙子座演員，本身亦是雙子座的她直言跟角色相當相似：「都係聰明、諗嘢諗得快，今次係第一次演舞台劇，壓力唔算特別大，之前都有演戲經驗，而且阿Sir教戲指導有方，以前一直想試奸角，今次舞台劇好多角色都係殺人疑犯，我都有啲蠱惑㗎！」講到新一年計劃，Aki表示會繼續演戲及唱歌，並將會推出一首歌曲，雖然市道低迷，但她表示仍不會放棄演藝夢：「堅持！勤力啲進修，當然做藝人都要講運氣，我會繼續努力直至做唔到為止。」