要曲線唔懶得　李松蔓晒高難度瑜伽保身材

劇集《黃金有罪》依家就熱播緊，有份參演嘅藝人李松蔓就喺社交網晒出一張懷舊水着相，雖然係一件頭款式再加一條絲巾包住下身，但係都遮唔住佢嘅靚曲線，為咗保持呢個索爆身形，佢平時付出唔少汗水，一有時間就做瑜伽鍛煉，呢日佢就晒出多張高難度瑜伽動作嘅相，倒立一字馬呢啲都難唔到佢，一身紅色打扮係別有用意，佢留言話撞啱係「小年」（拜灶君）嘅節日，所以就特登着一套紅色嘅瑜伽衫褲襯番啲過年氣氛。