胡楓88歲生日紅噹噹 陳曼娜襯色變金童玉女

2020年01月18日 15:54
東網電視
更多新聞短片
胡楓生日快樂!
藝人胡楓(修哥)今日88歲生日,前晚獲一眾好友包括陳曼娜、杜平與太太、羅蘭和何麗全等為他搞派對慶祝。今日記者致電胡楓,他開心表示:「有朋友幫我慶祝,梗係開心啦!(有咩生日願望?)身體健康、天下太平。(今日點過?)會同啲仔仔女女、孫同曾孫打邊爐囉,多謝你呀。」
有份出席生日派對的陳曼娜將相關照片上載到社交網,且表示:「都係好朋友聚吓。修哥着咗件紅色衫,我又係着紅色,啲人笑我哋係金童玉女。佢幾代同堂,自然開心。」不少網友隨即畀like,更留言祝胡楓繼續開開心心。