陪陳展鵬拍戲　單文柔做埋收音師

藝人陳展鵬近日飛到泰國拍攝無綫劇集《逆天奇案》，因為戲份唔係好多，所以今次佢帶埋太太單文柔出發，寓工作於娛樂，同太太可以度過二人世界！

今次單文柔原來唔係只係去玩咁簡易，今日陳展鵬上載一張開工相，見到單文柔竟然做埋收音師，非常認真，難怪陳展鵬留言：「Work hard play hard」唔少網友都留言話陳太唔易做，今次既要做私人助手之餘，又要做埋收音師！陳展鵬接受東網訪問，笑言太太經過今次旅程，可以轉行：「佢可以轉行，可以去做埋收音師啦！」

之後單文柔亦係社交網指初次做助手同兼職收音師，笑言話自己由內到外咁多功能：「『多功能』 唔止一個角色，要由內到外，初次做助手，兼職收音師，多多指教！」