勁歌拎兩獎！王浩信榮幸歌手身份冇被遺忘

藝人王浩信在無綫《2019年度勁歌金曲頒獎典禮》中奪得兩獎，他受訪時坦言開心：「冇被音樂界遺忘歌手身份，好榮幸，最近花咗好幾年在演藝上，努力始終唔及在座歌手，依家贏到兩個獎，真係好榮幸、好滿意！呢首歌關乎觀眾點擊同網民嘅支持，劇集令佢有觀眾緣，仲有漏咗多謝劇集《解決師》監製劉家豪，因為當中《愛不起》首歌，冇套劇嘅畫面幫助先發到咁大，慶幸觀眾喜愛！」

頭先進場時如皇上駕到，有歌手讓位，王浩信自嘲自己年長所致，他說：「我04、05年已參加音樂頒獎典禮，佢關愛我啫！（咪即係關愛座？）又唔好咁講！因拍戲趕過嚟而遲咗。（唔多謝老婆同個女？）多謝！因為我冇唱片公司，所以先多謝音樂班底努力。（有獎乘勢出擊？）有造歌中，不斷得咁多人支持，畀機會我實踐，故今次有獎報答番佢哋，今年可以花多啲時間喺音樂上，將能量同感動都放喺新歌度！」