19歲去踢館　安俊豪遊淡水激發創作力

歌手安俊豪（Simon）早前飛到台北快閃三日，放鬆心情兼叉電，他透露雖然沒有去太多景點，但重遊了令他充滿回憶的地方，他說：「去咗淡水行吓，呢個地點對我嚟講好多回憶，我19歲嗰年去台灣參加《超級偶像》踢館，主辦單位仲畀我哋成班參賽者去旅行，第一個去嘅地方就係淡水，所以呢度對我嚟講好舒服，帶畀我好多回憶去創作音樂同計劃。」

此行他還與馬來西亞歌手張智成飯敍：「喺香港撞過佢幾次，終於喺台灣約食飯，大家傾吓音樂，睇吓有冇合作空間，喺佢身上睇到好多我忽略嘅嘢，佢喚醒番我對音樂嘅初衷同執着。」