向小三求婚!謝和弦申請特急件趕住搞離婚

2020年01月19日 10:02
東網電視
更多新聞短片
嘩,使唔使呀…
台灣歌手「搖滾壞小子」謝和弦上月被當時正大肚嘅混血辣妻戴怡軒(Keanna)檢舉涉吸食大麻被捕,跟手佢行為愈演愈激烈,除咗公開承認有個小三主播莉婭(Liya),更加大鬧台灣多個電視台及傳媒機構,又噴花外牆又強行入私人大廈等,真係一日誇張過一日……去到尋日出席一個台灣音樂頒獎典禮時,尚未完成離婚手續嘅佢,竟當眾表示已向外遇對象莉婭求婚成功,行徑逾越倫理道德底線,令人嘩然!
謝和弦昨晚喺台上於萬人面前High爆脫掉上衣、露點演出,之後謝和弦更向台媒透露正跟Keanna訴請離婚,已向法院使用「特急件」辦理,希望以最快速度斷開元配!佢又表示與Keanna離婚後,就會立刻將莉婭娶進門:「她(莉婭)值得,為了愛我受這麼多攻擊。」目前仍係已婚身份嘅佢,更「大方」晒出與莉婭戴對戒嘅相,寸爆同「前妻」冇婚戒,得莉婭先有,而Keanna早日亦表示已向法院提出訴狀,提出共同「侵害配偶權」的訴訟,更指控謝和弦同莉婭對佢深受打擊,因此無法保住肚子中的寶寶,並要420萬台幣(約108萬港幣)求償金。