岑麗香努力再造人？廖碧兒期待有好消息

藝人廖碧兒（Bernice）同岑麗香（香香）向來感情要好，雖然各有各忙，不過佢哋一有時間就把握機會見面。今日Bernice喺網上晒出二人合照，見佢依偎喺香香膊頭，並以英文留言：「喺大家為節日同屋企人忙碌之前，我哋搵到時間過咗個開心嘅晚上！依家返到我哋嘅家鄉溫哥華，好開心我哋完全冇變過。我哋好快又會再見啦靚媽，希望下次我哋會有個慶祝嘅理由！」唔通暗示緊已育有一子嘅香香努力造人中，希望快啲再有好消息？粉絲大讚兩位華姐依然咁索，真係唔畀like都唔得呀！