蔡思貝陪「大肚」　許芷熒假宮縮心情緊張

佗B九個月的前港姐許芷熒（Whitney）與藝人蔡思貝向來感情要好，早前佢哋被拍得孖住Shopping時，思貝更化身阿四貼身照顧好友，相當細心。呢日二人再相約聚會，佢哋唔單止齊齊着上紅色裙以姊妹裝現身，思貝仲「裝假狗」扮大肚，實行兩姊妹「一齊大肚」咁話！Whitney於社交網上載合照，並留言多謝思貝陪佢一齊「大肚」：「不能一同懷孕，陪着我扮大肚也好。如果有一天你要當媽媽了，我也會陪你穿上這outfit.... 希望到時候，我仍然能穿得下。」佢又分享懷孕近況，指開始出現假宮縮的情況，心情逐漸緊張起來。