長做長有！薛家燕回歸《流行經典50年》

藝人薛家燕重投無綫節目《流行經典50年》，與譚嘉儀、鄭俊弘擔任新一輯節目主持。臨近農曆新年，家燕廣邀40多位歌手好友，如胡楓、黃建東及其母親、組合Super Girls成員Aka和Cheronna、鄭世豪、歐信希，還有三位「寶島歌王」青山，張帝及謝雷等到電視城食團年飯，場面熱鬧。

家燕表示最初只答應做五集，但《流》卻長做長有，長達兩年多，之前因要照顧亡友黎小田而暫別節目，但早前監製又要求她回歸才再亮相，亦有加少少人工，但她不計較酬勞，而是想開心給觀眾，且又可提供平台給後輩歌手演出，她說：「我師傅話新一年好似我首歌咁團結先有新轉機。」她又多謝三位「寶島歌王」專程來港亮相節目撐她，笑住話：「啲人話呢個陣容係三星拱月，我話係三王一后至啱。」