機上見人猝死　Aka＠SG發夢被捉住手

組合Super Girls 成員Aka和Cheronna現身「流行經典50年」團年飯宴。

Aka謂早前拍微電影及MV時遭不可思議事：「個故事係有啲懸疑嘅，拍完就整親腳，唔知關唔關有日去咗墓場拍嘢事，嗰日我要拍不停向墓碑獻花嘅鏡頭，當時我已經同位亡者講唔好意思，但返到屋企先醒起，對方係外籍人士應該講英文，連阿媽都話我蠢。」

Aka又話常遇奇怪事，記得有次和任職空姐的妹妹在往德國的飛機上，期間有乘客在機上猝死：「我睇住妹妹同位病者做心外壓急救，但都救唔番佢，之後我就發夢，夢見有人捉住我隻手。（可能嚇親啫？）可能係啦。」另一次則在街上，明明在米線食店，看見穿了圍裙的姐姐走入後巷的厠所 但後來又不見人。

而Cheronna的靈異事更恐怖，她說有日在家中沉醉打機，但突然聽到有陌生女人問她：「你打機呀？」問她可有驚到搬屋？她理直氣壯說：「我繼續喺度住，我諗佢經過啫，但唔可以同佢一齊玩，因為係一人遊戲。」