正式收爐！吳業坤日本過新年

藝人吳業坤出席「博愛100周年青年音樂會」，透露完成是晚工作便正式收爐，由於農曆年將到日本度歲，故出發前已準備好利是，當中利是封更是自己設計，笑言要把福氣分享給大眾。

談到今次日本之行，吳業坤表示僅單拖前往，到步後便會合當地認識的朋友，他說：「返嚟要拍劇，所以去一星期玩，唔帶媽咪去，畀啲空間佢，同埋交低利是錢。（朋友係男定女？）男女都有，之前上網識當地嘅幕前幕後，睇吓有冇得合作。（想搵日本女友？）乜國籍都好。（日文流利？）普通溝通可以，之前係姜麗文教我，希望之後可以拍吓旅遊節目，多啲機會去日本。」