劇本最重要！千嬅想同新導演合作

無綫劇集《多功能老婆》自播出以來都深受大眾喜愛，劇集威力強勁到成功帶挈劇中男女主角，周柏豪及楊千嬅包辦無綫頒獎禮的「最受歡迎電視男、女角色」，認真實至名歸！其中千嬅更是首奪電視獎，問到之後可有心目中的合作人選？她坦言劇本更為重要︰「如果有一個好好嘅劇本，導演大概都會知咩組合先會有火花，有機會都想嘗試唔同嘅角色，例如以香港做背景故事，類似電影《麥路人》題材咁，又好想同啲新導演合作，呢啲對演員嚟講都係一個成長同埋學習，《麥》喺今年有機會上映，可能都會有一段時間做電影宣傳。」

而剛於前晚完成第32場茂名站巡迴演唱會的她，開始為農曆新年作準備︰「會放一個小假陪屋企人，要執拾、辦年貨、拜年，順便自己又可以休息吓，2020年主力都係繼續巡演，鼠年第一站將會係新加坡站。」