演員工會獎　羅拔迪尼路獲終身成就獎冇鬧特朗普

荷里活影壇巨星羅拔迪尼路（Robert De Niro）是今屆演員工會獎的終身成就獎得主，大會邀請迪尼路後輩兼好友里奧勒度狄卡比奧（Leonardo DiCaprio）頒獎。曾與迪尼路合作過的里奧仔表示年幼時與父親睇迪尼路的《午夜狂奔》（Midnight Run）時，父親話若要演戲就要學迪尼路。迪尼路上台領獎時，全場人士站立拍掌。迪尼路笑言作為一個演員最擔心就是仲有冇下一部戲演，他表示慶幸知道可以同里奧仔及馬田史高西斯（Martin Scorsese）下部戲再合作，他笑言可以獲下年健康保險。向來愛公開批評美國總統特朗普（Donald Trump）的他今次破例唔點名鬧特朗普，不過就暗寸特朗普濫權，他說：「作為一個公民，我有發表意見嘅權利。如果我因為自己嘅情況而有更大嘅聲音，我見到公然濫權時將會使用...這就係我今晚要講嘅嘢。」