楊思琦晒大肚寫真　唔着衫再影性感版？

懷上第二胎的楊思琦下月便是預產期，增磅不少的她行動開始不便，近日亦已逐漸停工，在家休養生息，早前她趁着精神不俗，就與女兒Krystal（楊卓穎）一齊影大肚寫真。寫真中，思琦沒有性感打扮或露出肚皮，她身穿吊帶裙微露「峰」頭，Krystal就挨實她的肚子拍照，十分溫馨。

思琦接受東網訪問時表示花了大半天時間拍照，因為懷孕關係感覺特別累，而Krystal則十分開心：「囡囡好鍾意同我一齊影相，佢啲表情好自然，比我更自然，真情流露，表現好好。（點解唔影啲大肚性感照？）其實都想影啲見到個肚皮，之後都會有，至於完全唔着衫見到成個body只係用手遮住嗰啲，我都想試，但就唔夠膽，暫時未能豁出去，見到人哋影得好靚都好羨慕，自己比較傳統同保守。」

她又指為了出來效果靚，她穿上高踭鞋拍攝，但撐了一會兒已支持不了：「同未有BB之前着高踭鞋好唔同，覺得好吃力，着完好似想抽筋同起唔到身，攝影哥哥見我咁辛苦就話盡量影啲唔使着鞋嘅相。」