黎瑞恩笑爆唱《財神到》　預告年廿九開Live

一到新年，就要大掃除，如果一邊聽歌一邊打掃，咁就完美喇！藝人黎瑞恩喺facebook上載一段片，見佢戴住財神頭邊跳邊唱《財神到》，短打上陣嘅佢勁活潑，跳得相當過癮！佢留言：「想唔想一邊聽歌，一邊大掃除呢，不如年廿九開個live哩。1月23號星期四 #晚上21:30」想聽歌嘅大家，記得留意喇！

另外，黎瑞恩日前大搞聯歡會，扮財神玩遊戲，眾人都玩得非常開心，而一班老友好有心意，預備咗巨型蛋糕，幫下個生日嘅小恩子提早慶生，對於呢個神秘生日會，小恩子開心又感動！