睇見都索氣！AGA為處女騷密密狂操

即將喺4月頭開兩場處女紅館騷嘅AGA（江海迦），早前透露過成場騷都有好多Part需要跳舞，所以密密操體能同排練，連日嚟都大騷小蠻腰綵排，希望可以以最佳狀態上台演出。雖然AGA身形弗爆，但依然落力鍛煉，仲有片為證！見佢着一身黑色運動衫，過五關斬六將咁連續做幾項體能，有唔少網民都送上打氣說話，有啲就笑話睇完條片就已經索晒氣同攰，AGA仲可以堅持到真係好勁！仲有網民叫AGA開完騷可以挑戰做打女，唔知AGA會唔會考慮吓呢？