百變！黃子桐《愛回家》3個月做10個角色

2018年落選港姐黃子桐（Rachel），除在《娛樂大家》擔任「娛樂女郎」外，亦有份演出《愛．回家之開心速遞》：「我諗我係史上喺《愛．回家》入面拍過最多角色嘅人，我入咗劇組三個月，做過十個唔同嘅角色，因為我百變，頭髮時長時短，觀眾認我唔到，所以劇組好鍾意搵我開劇。（想唔想做固定角色？）相信監製會安排，佢有話我表現OK。」

在大學修讀犯罪學的她，起初家人並不贊成她入行：「選港姐時搬咗出去，佢哋都唔知我參選，直至入咗決賽先知。佢哋唔希望我入娛樂圈，除咗覺得我讀過吓書，又覺得娛樂圈好複雜，辛苦又唔穩定，但我想多啲嘗試，依家屋企人由唔支持變支持，喺電視見到我會好開心。」