婚後第一擊？倪晨曦晒水着派福利

藝人倪晨曦（Elva）今個月同從事金融行業嘅男友Vincent喺夏威夷舉行婚禮，不過佢就保持神秘，未有透露邊一日行禮，雖然一眾索爆姊妹團包括朱韻韻、鍾浠文、簡幗儀、李月同埋Elva孖生細妹倪晨曄等都好保密，不過今日朱韻韻同鍾浠文都不約而同呻攰，仲話返到香港真係要好好休息，而倪晨曄仲分享咗個女喺派對上着到公主咁嘅跳舞片，睇嚟Elva已經舉行咗婚禮喇喎！

今日Elva就嚟個「婚後第一擊」派福利，晒出着住一件頭泳衣喺橙樹下影嘅靚相，留言：「Pick some oranges for breakfast ?（摘啲橙做早餐。）」有網友好奇問：「點解會着住泳衣嘅??」Elva就解答：「因為泳池在旁邊?」而好友湛琪清留言：「So pretty!❤️Congrats again!（好靚呀！再次恭喜你！）」似乎係恭喜Elva完婚！