小巴情緣……鄺星宇胡鴻鈞「兄弟」相認

樂壇新人鄺星宇（Alex）抱着見識大場面向前輩學習的心態，日前出席《勁歌金曲頒獎典禮》，首次跟自己撞樣的偶像胡鴻鈞（Hubert）巧遇，Alex膽粗粗向Hubert自我介紹及索合照，成功拍下「兄弟」同框的照片。

Alex表示：「我唔係刻意去頒獎禮搵Hubert影相，只係咁啱有緣遇上，我都係第一次咁近距離見到Hubert，佢好Nice，知我係新人叫我加油，（係咪覺得同Hubert好似樣？）梗係偶像靚仔過我好多啦，不過我身邊好多朋友睇過張相後，都覺得我哋好似樣。」

Alex透露稍後會推出新歌及接拍微電影，而微電影中以新歌為骨幹，和女主角發生一段小巴情緣：「個故仔都幾特別，因為同女主角由邂逅、相戀到分手，全部都喺小巴度發生晒。」